أنا مصرى
...........
للشاعر:احمد فؤادنجم
أنا مصرى أبن مصرى وليا الشرف
برغم المهانة برغم القرف
برغم الزبالة اللى مالية الشوارع
برغم الفساد اللى بيه أعترف
سمو معالى رئيس الوزارة
نتيجة موظف بسيط أنحرف
برغم المجاعة اللى داخلين عليها
وفينا اللى عايش حياته فى ترف
برغم البطالة فى أوضة وصالة
برغم أن أخر جنيه اتصرف
برغم طابور الصباح السخيف
وكل منايا يادوب كام رغيف
برغم أسايا لمنظر عشايا
وأقول مش مهم يا واد نام خفيف
برغم إنى شايف بلاوى وساكت
وعايش مطنش كأنى كفيف
برغم وزارة رئيسها حرامي
وشوفوا البجاحة يقولوا نظيف
برغم السلام اللى غرقت بناسها
برغم العيال اللى ساكنة الرصيف
برغم حكومة شعارها الكلام
ورغم رئيسنا عليه السلام
ورغم أن كله يا عالم بيغلى
إلا كرامتى بترخص قوام
برغم إنى عايش في بلدى فريسة
ووجبة شهية لبعض اللئام
برغم أن كل تاريخك يا بلدى
فعهد جنابه كلام فوق رخام
برغم ده كله يا مصر بحبك
وطظ فيهم ودا اخر كلام
اخر ما كتب الشاعر الكبير
أحمد فواد نجم ( منقول)
الخميس 08 سبتمبر 2011, 9:10 pm من طرف sabryna
Ahlamontada 
