هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


مستنينك من زمان/ كبار وصغيرين كمان/ الاسم حلو علي مسمي/ منتدي مصرين جدعان
 
الرئيسيةأحدث الصورالتسجيلدخول
بحـث
 
 

نتائج البحث
 
Rechercher بحث متقدم
أفضل 10 أعضاء في هذا المنتدى
zerocool
تفتكروا قالتله ايه فى ودنه Vote_rcapتفتكروا قالتله ايه فى ودنه Voting_barتفتكروا قالتله ايه فى ودنه Vote_lcap 
Admin
تفتكروا قالتله ايه فى ودنه Vote_rcapتفتكروا قالتله ايه فى ودنه Voting_barتفتكروا قالتله ايه فى ودنه Vote_lcap 
يسرى حسن
تفتكروا قالتله ايه فى ودنه Vote_rcapتفتكروا قالتله ايه فى ودنه Voting_barتفتكروا قالتله ايه فى ودنه Vote_lcap 
دودى
تفتكروا قالتله ايه فى ودنه Vote_rcapتفتكروا قالتله ايه فى ودنه Voting_barتفتكروا قالتله ايه فى ودنه Vote_lcap 
eslamcrspo
تفتكروا قالتله ايه فى ودنه Vote_rcapتفتكروا قالتله ايه فى ودنه Voting_barتفتكروا قالتله ايه فى ودنه Vote_lcap 
just_ahlawy
تفتكروا قالتله ايه فى ودنه Vote_rcapتفتكروا قالتله ايه فى ودنه Voting_barتفتكروا قالتله ايه فى ودنه Vote_lcap 
عبده همبكه
تفتكروا قالتله ايه فى ودنه Vote_rcapتفتكروا قالتله ايه فى ودنه Voting_barتفتكروا قالتله ايه فى ودنه Vote_lcap 
honda zamalkawy
تفتكروا قالتله ايه فى ودنه Vote_rcapتفتكروا قالتله ايه فى ودنه Voting_barتفتكروا قالتله ايه فى ودنه Vote_lcap 
ساندرا صلاح
تفتكروا قالتله ايه فى ودنه Vote_rcapتفتكروا قالتله ايه فى ودنه Voting_barتفتكروا قالتله ايه فى ودنه Vote_lcap 
hossam
تفتكروا قالتله ايه فى ودنه Vote_rcapتفتكروا قالتله ايه فى ودنه Voting_barتفتكروا قالتله ايه فى ودنه Vote_lcap 
المواضيع الأخيرة
» شركة ايكونز للتسويق والدعاية والاعلان في مصر
تفتكروا قالتله ايه فى ودنه Icon_minitimeالخميس 08 سبتمبر 2011, 9:10 pm من طرف sabryna

» اقوي شركات التسويق الالكتروني في مصر
تفتكروا قالتله ايه فى ودنه Icon_minitimeالأحد 28 أغسطس 2011, 3:07 pm من طرف sabryna

» كيف تخرج بمنتجاتك الي العالمية بواسطة التسويق الالكتروني
تفتكروا قالتله ايه فى ودنه Icon_minitimeالأحد 14 أغسطس 2011, 12:21 am من طرف sabryna

» تعلم الكمبيوتر واللغات بسهولة عن تجربة
تفتكروا قالتله ايه فى ودنه Icon_minitimeالأربعاء 10 أغسطس 2011, 4:15 pm من طرف ولي الدين

» النهضه المصرية بعد الثورة المصرية
تفتكروا قالتله ايه فى ودنه Icon_minitimeالجمعة 05 أغسطس 2011, 4:30 pm من طرف DREEM2020

» مصر اولا يا مصريون
تفتكروا قالتله ايه فى ودنه Icon_minitimeالجمعة 29 يوليو 2011, 11:59 pm من طرف DREEM2020

» مصر تريد ان تحيا من جديد
تفتكروا قالتله ايه فى ودنه Icon_minitimeالأحد 10 يوليو 2011, 8:31 pm من طرف DREEM2020

» كونكر تهييس جلوريا الجديده لعبه جامده جدا و اون لاين كمان
تفتكروا قالتله ايه فى ودنه Icon_minitimeالثلاثاء 17 مايو 2011, 2:32 pm من طرف selia

» منحة "مشروع تعلم" المجانية
تفتكروا قالتله ايه فى ودنه Icon_minitimeالثلاثاء 18 يناير 2011, 1:40 am من طرف sabryna

تصويت
هل تتوقع أن يكون مصريين جدعان واحد من أشهر المنتديات خلال الأعوام القادمة؟
 1- نعم
 2- لا
 3- لا أعرف
استعرض النتائج
المتواجدون الآن ؟
ككل هناك 13 عُضو متصل حالياً :: 0 عضو مُسجل, 0 عُضو مُختفي و 13 زائر :: 2 عناكب الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 131 بتاريخ الجمعة 04 فبراير 2011, 6:01 pm
احصائيات
هذا المنتدى يتوفر على 186 عُضو.
آخر عُضو مُسجل هو ابو عمر فمرحباً به.

أعضاؤنا قدموا 2578 مساهمة في هذا المنتدى في 1121 موضوع
التبادل الاعلاني
احداث منتدى مجاني
pubarab
منتدى

 

 تفتكروا قالتله ايه فى ودنه

اذهب الى الأسفل 
2 مشترك

ما رايك هل هذا هو المستقبل؟
 نعم
 لا
 كلام تخاريف
استعرض النتائج
كاتب الموضوعرسالة
zerocool

zerocool


ذكر
عدد الرسائل : 550
العمر : 34
تاريخ التسجيل : 11/11/2008

تفتكروا قالتله ايه فى ودنه Empty
مُساهمةموضوع: تفتكروا قالتله ايه فى ودنه   تفتكروا قالتله ايه فى ودنه Icon_minitimeالأربعاء 04 فبراير 2009, 10:42 pm

Post تفتكرو قالتله ايه فى ودنه ؟؟؟

المكان .. أي حتة ف مصر
الزمان.... يوم من أيام عام 2060م

الحفيدة : جدو تامر إزيك .. حلو البدي اللي انت لابسه ده . بس ده موضة قديمة قوي يا جدو

الجد : يا بنتي أنا راجل دقة قديمة وبالبس زي ما جيلنا اتعود وحسب التقاليد القديمة بتاعتنا

الحفيدة : أيوه بس مش حاسس إنك مخنوق وانت لابسه؟

الجد : أبداً ده هو ده اللبس المحتشم اللي مفروض الكل يلبسه ويحافظ عليه .. فين أيام زمان لما كنا نلبس البدي اللي مبين البطن والظهربس، مع البنطلون السترتش الجلد والجوانتي الجلد... كانت حاجة آخر روشنة
الحفيدة : ياه يا جدو .. ده انتوا كان ليكم تقاليد غريبة خالص
الجد : وهو انتي فاكرة إن أيامكم دي أيام؟ يا بنتي أيامكو دي ما يعلم بيها إلا ربنا .. فين أيام سنة 2002م ، هو الواحد فينا كان يستجري يشرب سيجارة البانجو ولا يسحب له سطر بودرة قدام أبوه؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق

الحفيدة : معقول يا جدو؟ للدرجة دي!!؟؟

الجد : أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول .. يعني الجيبة كان لا يقل طولها عن شبر ونص .. وكانوا الستات يلبسوا فوقيها بلوزة باستمرار ..مش زي دلوقتي!

الحفيدة : يا خبر .. وإيه كمان ياجدو

الجد: ح أقول لك إيه ولا إيه .. يعني خدي عندك مثلاً .. زمان كنا نسمع الطرب الأصيل لمطربين حقيقيين زي مصطفى قمر ، وعمرو دياب ، وكانت الأغنية مدتها أكثر من دقيقتين متواصلين من الطرب الأصيل والموسيقى الهادية الراسية اللي تعمر النافوخ بصحيح كانوا مطربين روشين وآخر طحن .


الحفيدة : وبعدين

الجد : وبعدين كنا نسمع على حاجة اسمها اسطوانات ليزر ، ودي صحيح انقرضت ، بس كان ليها طعم عن دلوقتي ، يا سلام لما كنا نحطها في الووكمان ونعلقه في حزام البنطلون ونمشي في الشارع كده ،، كانت أيام جميلة

الحفيدة : حكاويك ممتعة قوي يا جدو .. ثانية واحدة بس لما أصحي سوسو صاحبي لأنه بايت معايا من امبارح ..


(بعد عدة دقائق) هيه يا جدو .. وبعدين

الجد : أحلى أيام بقى كانت أيام الدراسة ، الفصل كان على أيامنا رايق وعدد التلاميذ فيه ما يزيدش عن ستين سبعين تلميذ ، وكنا ساعتها بنعرف نفهم الدرس كويس مش زي دلوقتي ، وكانت الشوارع أيامها فاضية لأن مصر كلها كان تعدادها 70 مليون مش أكثر ، تخيلي بقى الروقان اللي كنا فيه؟

الحفيدة : 70 مليون بس؟!!

الجد : أمال إيه .. علشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بتلاتين جنيه ، وكان أتخن جوز جزمة ب 250 جنيه ، وكان الواحد يقدر يشتري شقة تمليك بـ 150 الف جنيه بس .. وكان الدولار بخمسة جنيه بس تخيلي بقى؟

الحفيدة : ما هو علشان كده كان الجواز على أيامكم كان سهل خالص

الجد : أمال . ده احنا الواحد مننا كان بمجرد ما يوصل سن 35 سنة يبتدي يفكر في الجواز على طول ، وما كانش عندنا الأفكار الغريبة اللي بتعملوها دلوقتي زي إن البنت تفضل مع الولد كام سنه قبل الجواز علشان يتعرفوا على بعض أكثر زيك انتي وسوسو صاحبك ، أنا شخصياً شايف إن ده وضع مش لطيف ، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً ، طب ده باباها كان ممكن ساعتها يخاصمها

الحفيدة : ده انتوا كنتوا متزمتين خالص ياجدو !!!

الجد : يا بنتي إحنا اتربينا على الأخلاق والفضيلة والعادات والتقاليد .. يعني كان الواحد مننا زمان لما يدخل الأسانسير ويلاقي جاره في الأسانسير ممكن يفكر يصبح عليه ، ومش بعيد كان يسأله عن أحواله .. وكانوا أهل الفن محتشمين جداً وكانوا دايماً يطلعوا بالمايوهات البيكيني ، والمذيعات كانوا يقعدوا جنب الضيف مش على ركبته زي دلوقتي.. هيـ يـ يـ يـ ـه الله يرحم دي أيام

الحفيدة : رايح فين يا جدو

الجد : أصلي كنت موصي الجزار على اتنين كيلو لحمة وأعطيته ثلاثة آلاف جنيه عربون وعايز أروح أطمن إذا كانت اللحمة وصلت ولا لأ .. تشاو .. سي يو

==================================================
===========
تانى يوم فى نفس العام .
سوسو صديق توتو الحفيده بيكلمها فى التليفون .

سوسو : ازيك يا توته؟
توتو : اهلا يا سوسو يا حياتى عملت ايه النهارده؟
سوسو : حاجات اوريجينال خالص خالص . وقفت مع دادى فى المطبخ وهو بيعمل الغدا وعرفت ازاى بيطبخ اكله كان جده هو اللى علمها له .. مطرقعه باين !!
توتو : مطرقعه ايه يا سوسو !! قصدك مسقعه ..
سوسو : يوه بقى يا توته .. اهى حيره و السلام موضوع التبيخ ده .. عكعكه كده و لغوصه وحاجات يع موت .. و شفتى دادى بيقول لى ايه !! ..
توتو : بيقول لك ايه داديك يا سوسى .. ده باين عليه لسع خالص ..
سوسو : آل ايه دادى عاوزنى انزل السوق و اشترى الخضار .
توتو : وات؟ او مون ديو .. اما يبقى تريب يجنن ..
سوسو : تريب ايه يا توتى ده عاوزنى انزل وياه كل اسبوع نبضع و نشترى ونقف مع البياعين الفالجر دول اللى يقولوا الكيلو بعشرين وانا اقول لا بتلاتين ... مش عارف ازاى ممكن اتعامل مع الناس دى ..
توتو : ايوه يا حياتى .. ولد رقيق و ناعم زيك ماينفعش خالص يسمع الاصوات المزعجه دى ولا يبوظ اخلاقه بالاختلاط مع الناس دول ..
سوسو : توتى يا حياتى عندى ليكى سوربريز .
توتو : فرحنى يا قمر ..
سوسو : عزمك النهارده على اكله حلوه موت .. سنعة ايديا وحيات عينيا .
توتو : اكلة ايه دى يا سكرتى؟
سوسو : مامة على .
توتو : دى اكله ولا واحده بتعرفها ..
سوسو : اخص عليكى يا وحشه . انتى عارفانى اعمل كده .. لا بجد مخاصمك ..
توتو : طيب خلاص ماتزعلش يا اطؤط
سوسو : مسامحك خلاص .. المهم انت عملتى ايه يا توته .
توتو : ابدا .. رحت الهايكستب عشان موضوع التجنيد ده .
سوسو : يا حرام .. وخلصتى الورق بتاعك ولا غلبوكى زى ما عملوا مع فافى اختى؟
توتو : والله طلعوا عينى . حلفت لهم وحياة طنط بطه ان مش عندى اخوات بنات عشان آخد الاعفا مش رضيوا يسمعوا كلامى ..
سوسو : وعملتى ايه يا مسكينه؟
توتو : هاعمل ايه .. مضطره اروح مؤكتا اتدرب معاهم على نط الحبل لحد ما اثبت لهم انى بنوته وحيده مالياش اخوات بنانيت
سوسو : يا روحى !! تيب عشان السبيريت بتاعتك تبقى فى العلالى انا جاى معاكى عشان اسقيكى لما تعطشى .. ياى .. ده اكيد الجو هيبقى حر موت .. هابقى اجيب لك الصن لوشن بتاعى ..
توتو : ميرسى يا سوستى .. كنت واصقه انى اءدر اعتمد عليك .. ياللا باى .
سوسو : باى باى
==================================================
=========
تانى اسبوع فى نفس العام .

الحفيدة : إيه يا جدو تامر . بقى لي زمان ما قعدتش معاك .ْ
الجد : وهو أنا عارف أتلم عليكي خالص .
الحفيدة : أصل أنا وسوسو أخدنا الولد من الحضانة ..
الجد : ولد!! ولد إيه اللي أخدتوه من الحضانة؟
الحفيدة : آه صحيح أنا نسيت أقول لك .. أصل أنا جبت ولد من سوسو صاحبي ..
الجد (وقد احولت عيناه قليلاً) : يا بنتي هو انتو اتجوزتوا لسه ..
الحفيدة : يا سلام عليك يا جدو .. إنت عليك تحاكيم غريبة .. طيب إيه اللي يمنع؟؟!!
الجد: ما ينفعشي يا بنتي .
الحفيدة : ليه؟؟ ... أنا شخصياً عملتها ونفعت ..
الجد : مشكلتي إني ما باعرفش أزعل منك يا عكروتة .. وسميتوا المحروس إيه بقى ..
الحفيدة : سميناه (دوت كوم) ..
الجد : نعم .. دوت كوم؟ .. أنعم وأكرم وده بقى لما تعوزي تنادي له تدوسي (إنتر) ولا إيه بالضبط ..
الحفيدة : ها ها ها ها .. إيه الخفة دي يا جدو .. والله فكرة . لما أعوز أنده له أدوس إنتر . ولما أحب أقول له روح أودتك أدوس (ألت وإف4) .
الجد: وأخدتوه من الحضانة وديتوه فين بقى؟
الحفيدة : وديناه النادي الصهيوني .
الجد : النادي الصهيوني؟
الحفيدة : أيوه .. ده نادي جميل معمول برعاية كبار رجال الأعمال .. وتحت رعاية وزارة الشؤون الاجتماعية .. وده بيعلم الأطفال حاجات ظريفة خالص ومصاريفه رخيصة جداً ..ء وبعدين الولد الكويس ممكن يبعتوه يكمل تعليم في إسرائيل على نفقة وزارة الزراعة ..
الجد : إشمعنى وزارة الزراعة يعني .. وإيه دخلها في الموضوع ده ..
الحفيدة : أنا عارفة بقى يا جدو المهم حد يتكفل بالدفع وخلاص .. أصل (ميدو يوسف والي) وزير الزراعة ده راجل متفتح قوي .
الجد : نعم .. قلتي مين .. ميدو يوسف والي ..
الحفيدة : أيوه يا جدو .. إزاي مش عارف اسم وزير الزراعة .
الجد : أنا أصلي كبرت وصحتي مش مساعداني أفتكر المعلومات دي .. طيب قولي لي .. مين وزير الإعلام دلوقتي ..
الحفيدة : قصدك وزيرة الإعلام يا جدو .. اسمها تيتي صفوت الشريف .
الجد (وقد ظهرت عليه علامات التشنج والاحتقان وبدأ الزبد يسيل من فمه) : ومين وزير الثقافة ..
الحفيدة : نوني فاروق حسني .. إيه الأسئلة الكتيرة دي يا جدو .. ومالك بتبص حواليك كده ..
الجد : طيب قولي لي (يقترب منها هامساً في أذنها وهو يرتجف ويسألها سؤالاً ما .. ثم يضع يده على فمها قبل أن تجيب قائلاً : قولي لي الإجابة في ودني .
الحفيدة (مذهولة من تصرف الجد) : حاضر يا جدو (وتهمس في إذنه بالإجابة) .
الجد (وقد ازرق وجهه .. وتمددت أطرافه . وبدأت عليه اعراض ذبحه صدريه ) : حسبي الله ونعم الوكيل ..حسبي الله ونعم الوكيل ..
الحفيدة : جدو .. جدو .


عدل سابقا من قبل zerocool في الخميس 05 فبراير 2009, 11:00 pm عدل 1 مرات
الرجوع الى أعلى الصفحة اذهب الى الأسفل
Admin
Admin
Admin


ذكر
عدد الرسائل : 450
العمر : 34
تاريخ التسجيل : 25/09/2008

تفتكروا قالتله ايه فى ودنه Empty
مُساهمةموضوع: رد: تفتكروا قالتله ايه فى ودنه   تفتكروا قالتله ايه فى ودنه Icon_minitimeالخميس 05 فبراير 2009, 3:00 pm

موضوع جامد قوى بيفكرنى بموضوع كان كتبه جاست أهلاوى بس على فكرة طويل قوى قوى قوى يا ريت يا كول لو تقسمه على كذا جزء بمعنى يكون 3 مواضيع مش موضوع واحد
الرجوع الى أعلى الصفحة اذهب الى الأسفل
https://masryien.yoo7.com
zerocool

zerocool


ذكر
عدد الرسائل : 550
العمر : 34
تاريخ التسجيل : 11/11/2008

تفتكروا قالتله ايه فى ودنه Empty
مُساهمةموضوع: رد: تفتكروا قالتله ايه فى ودنه   تفتكروا قالتله ايه فى ودنه Icon_minitimeالخميس 05 فبراير 2009, 10:56 pm

مينفععععععععععععععععععععععععععععش
الرجوع الى أعلى الصفحة اذهب الى الأسفل
 
تفتكروا قالتله ايه فى ودنه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات العامة :: منتدى الأخبار الطريفة-
انتقل الى: